肥魚直入13強 Barbie極速減豬腩肉 (8 September, 2014 14:24)
周星馳籌拍新片《美人魚》網上選角戰進入尾聲，自嘲做肥魚的「寸嘴Barbie」夏尉喻成功以18萬7票擠身13強，下星期將隨大隊北上特訓，腰圍達31吋豐厚的Barbie起行前特意跑去修身，誓要搣甩豬腩肉，她說：「能入13強真的很開心，多謝大家支持，瘦身是必需的，希望以最完美的姿態埋位。」
人魚戰況激烈，晉身13強的港星中，日模松岡李那以20萬票領頭，周秀娜師妹許雅婷以18萬8千票穩居第二，肥魚Barbie則以18萬7千票屈居第三，這班候選人魚將於下星期開始接受地獄式特訓，學唱歌跳舞演戲外，亦會即場試水比試實力，跟播式真人騷可在網上頻道letv收看。
31吋豐腴水桶
自創人魚歌出位的Barbie為星爺，不惜自動波執靚Body，這天我們隨Barbie走上Amigo岩盤浴專門店，換上毛巾谷爆G奶的她入房唔夠15分鐘已香汗淋漓地說：「因為身體一向唔好，唔夠壓力大就會水腫，朋友介紹我試下岩盤浴，話可以速進新陳代謝幫助排毒，感覺好熱，平時我好難出汗的，試了兩次效果唔錯。」
出身汗鬆完，Barbie再轉房做機，埋位前例牌度身磅重，百一磅唔夠的她腰圍竟達31吋豐腴，見記者影相，Barbie顯得有點尷尬，不停解說：「其實我真係好易水腫，只要戒口唔好太重鹽就一定見腰。」記者見她在聚焦儀器幫助下，30分鐘極速塑形成功，蠻腰再現即得戚笑對鏡頭。
資料來源: 頭條日報